الطير

يا صاحبي عجزت أنا لطرح الطير قدام عيني كيف غيري يبوقه الطير شفته يالخوي حزة عصير واقفا وعيني من حلاته تتوقه طيرٍ وحش لا هو بوكري ولا جير لا شافه الصقار يشقي خفوقه يحز في نفسي إذا صاده الغير وان فرعه راعيه واطلق سبوقه واليوم عني أبعدته المقادير ليت النصيب الزين يمي يسوقه لا واهني اللي حلاله مغاتير ويقضي حياته بالخلا عند نوقه الصبح يشرب من دلالٍ مباهير وقبل الغياب يناولونه غبوقه ماهمه اللي يجمعون الدنانير ولا همه التاجر اليا طب سوقه ماهو بمثلي متعبته المشاوير بين الدوائر مبتلش في حقوقه