يـــادار لبـيـنـا نـــداك وحـضـرنـا
يوم انتخوا اهـل اليمـن ماانتظرنـا
نسقي عميل الشر من مـر كاسـه
جته الحمـم مـن جونـا مـن بحرنـا
مـن جـاء حـدود المملكـه مايعـوّد
وحنا نشـوف اللـيّ بمكـره سبرنـا
اذا امـر سلمـان شـاشـت جـنـوده
وعـدوّنــا لا مـا جـهــل ويـخـبـرنـا
حنّـا الـى ثــار الـدخـن مانـوّقـف
تعصف حزم والحوث يدرك خطرنـا
نشتّـت المعـتـوه وانــدك جيـشـه
نـدمـر جـنـوده والردي مادمـرنـا
وصالـح يبيهـا تشتعـل بعـد طـرده
خاسـر بـلاده والـدول وايخسـرنـا
صالـح تلـوّى مايـعـرف الحقيـقـه
وماهـو جديـد انّـا بمكـره شعرنـا
صـالـح يـقـدّم بالحـيـاه المصـالـح
وعلى الخساسه لو حضر ماحضرنا
للحوثـي شلـه فاسـده يـم صعـده
شعب اليمـن غـادره قبـل يغدرنـا
يشبه لوبري مستكن وسط جحـره
بكـرا بيشـوى مـن لهايـب شررنـا
تعيش صنعاء من سببـه المصايـب
والشعب نـادى وقفوا مـن نحـرنـا
جنـد العـرب ماتتـرك اللـيّ تمـادى
يكفي مهـازل كـم صبرنـا وصبرنـا
خلوه يمشي لااظلـم الليـل خايـف
هدوّا صقور الجـو واركـوا فخرنـا
