يذكرون الجرح والحزن الشديد
واذكر انـي وقت ما زرتك طعمته
جيت والأشواق في عيني تزيد
شوق طفلٍ ضاع والدنيا حَـرَمْته
لك غلا يسري بدمّي والوريد
كل ما حنّيت لوصالك زهمته
ساكنٍ وسط الحشا وانت الوحيد
حبك الاول وحبْ الغير صُمته
لو بكيت الدهر لـْ/ اجلك ما يفيد
ولو يجف الدمع من عينيّ لمته
كل ما جيت اتحرى من بعيد
اتباشر والألــم فيني كتمته
يا عساك بْخير يا الحرّ الفريد
الأمل بالله والصبر التزمته
حسرتي يا بوي في صدري تقيد
لو تشوف الحال يا الغالي رحمته
