لآلئ شعرية

كل ما اتصل فيك صبح وليل تشكي لي من عوج الأوضاع والدنيا ومتاعبها مليت يا صاحبي مابيك تحكي لي هالأسطوانه أنا مليت مطربها حتى خيالك بتال الليل ياتي لي جروح وعيون ومعقوده حواجبها عيشتني بعالم ما هو على جيلي زهرة شبابي حرام إنك تخربها ياما هجرتك ولا كمّلت ترحيلي حبايب ما تعبر عن حبايبها حبيبتك ما تحمل هالبهاذيلي اضحك معاها ولاطفها ولاعبها قلي شرايك بفستاني ومنديلي الوانهن تعجبك أو مانت راغبها وقلي شرايك بعقدي مع خلاخيلي وشف قذلتي يوم قصينا ذوايبها وقلي شرايك بأطباعي وأقاويلي لاحظ عليها وغيّرها وشطّبها خل بيننا انقاش وعلوم وتعاليلي وآمر على البنت وان حبيت طالبها يا مدمن الهم كافي دمع بالليلي بكره تشبع من الدنيا ومصايبها دنياك والله ما تسوى التزاعيلي حتى ولا هيب كفو اللي يعاتبها