مهجة القلب

يا مهجة القلب يا بلْسمه يا روحه .. ترى حبيبك عشانك مرخصٍ روحه إن جاك ولا ترى ياروحته روحه .. وإن راح كلٍ درى ما بينك وبيني لنّي أهوجس ودايم جالس لحالي .. من شافني قال ويله يابري حالي والمر لأجلك أذوقه يالغلا حالي .. ماغيرك اللي تحكم بالشراييني من غير هذا تراني ميتٍ مره .. والمر أذوقه حلا لو زاد بي مره حسي وروفي على شاني ولو مره .. وأخذي حياتي فدا مع باقي سنيني من قبل أعرفك حسين الصيت والسيره .. والقلب من يوم حبك إختلف سيره حاولت أرده ولكن إرتخى سيره .. من بعد ما كنت ألفه قام يطويني أجر صوتي بلحني مع طواريقي .. في كل ديره مع كل الطواريقي ومنهو يلوم الشعر لامن طوا ريقي .. والشعر أشوفه نصيف وساكنٍ فيني ياعزي للي غلا محبوبته حدّه .. يسامر الليل وصبحه معلنٍ حده حد المهند وكلٍ عارفٍ حده .. وما كل حكمٍ ترده دمعة العيني ويا حظ منهو يشيل الحب في سلّه .. وعزي لمنهو تعنّى والهوى سلّه يسل سيفه ولكن ما نفع سلّه .. وانا متيم ومالي من يداويني قد قلت حنّي ولو مره على شاني .. إن كان لي حشمةٍ وإن كان لي شاني وإن شنت محدٍ يلوم القلب لا شاني .. هذا كلامي ورب الكون يغنيني