الشوق

يا هيـه انا قلبـي مـن الحـب مفتـوق اكـتـظّ بـه حزن الـولـه .. واشتـقى به من يـوم هـوّن عـن غيـاهيبـك شْروق مـا عــاد بيّن فـي غـيـابـك .. غـيـابه يا كـم تناثرتك على الطّـرْس مشفوق من لوعتـي شـفـني نطقتـك .. كتابه تسبح بحـر فكـري على كـلّ طـاروق ما بـيـن وجـد وبـيـن حرّ الـصّـبـابه ياكثْر ماطبطب على صدري الشوق يـفْـتـق ضلـوعـي واسـتلـذّ ارتـكـابـه وياكـثْـر ما الْخافـق يغنّيـك.. واتـوق واجـرّ لـحْـنٍ .. مـا تـجـرّه .. ربــابـه خليتنـي عاقـل و فـاهي .. ومطفـوق من كثـرك بْعقـلي .. تـفـاقـد صـوابه شف داخلـي يحملك معلـوق معلـوق وشف ضيق جوفي متّسع لك رحابه كنْ تلْتبـس دمّـي و تـاخـذك العـروق تـلْـويّ بـك فـي مـا غـلاك .. الْـتـوى به وكنّـك على حـدّ الضمـاير كما الطّوق كـل حـيّ فينـي بـطْـش حبّـك سطابه ذي حـالـتـي كـنّ الـغـلا فيـك مخـلـوق أن مـا روى قـربـك .. فـراقـك ضمى به كبْر الغرام مْـن الـسّعه يشكي الضّوق وشعـور مُـحْـكـم .. أرعـنـتْـه الـكـآبـه