مجموعة

البعض من طيبته يعجبك بطبوعه فعل ٍوقولٍ  يسوق الطيب بخصاله ممكن يضيفك بعدها  ضمن مجموعه من ضمن تطبيق يستخدم بجواله أشياء تنشاف يبعثها ومسموعه تناقض أقوال نسمعها وأفعاله أشياء كانت أمام الناس ممنوعه مسموحة ٍ لو مسك جواله لحاله يا صاحبي كلنا لله في طوعه ندعي قبول العمل منّه  ونسعى له مابي علوم ٍ غدت بالإثم متبوعه والعاقل اللي يميّز وين منزاله لو أنسحب ما تموت الناس موجوعه دام الغلا بيننا ما نقطع حباله خوّتك يا صاحبي ماهي بمبيوعه لو سامها عاذل ٍ ما بيننا بماله وشلون خوّة بعض خلق الله منزوعه من أجل تطبيق يزعل والعتب  شاله شكل التواصل اذا حدّدت وش نوعه في خوّتك تجعله في أفضل أحواله.