مهما ابتعدنا عن بعضنا مسافات
تبقى بقلبي مثل ما كنت غالي
الحب لك وحدك على طول الاوقات
ما غيّرتني عنك ســود الليالي
تنعاف من شانك جميع الملذات
وعليك يصلاني من الشوق صالي
بشّر عسى في قلبك الحب ما مات
وبشّر عسى ماعاد شوفك محالي
انت الوطن يوم ان غيرك متاهات
وانت الحبيب الآولي والموالي
وانت الامل في دنيتي والمسرات
في حاضري والا زمانٍ مضى لي
كتبت لك وابكتب ابيات وابيات
الفكر ماهو عن طواريك سالي
لو بيني وبينك سيوفٍ صقيلات
مكانتك بين الضلوع النحالي
