أنا من أنا يا ناس يا سامعين الصوت
أنا اللي تعرفونه او اني حدٍ ثاني
أنا احس نفسي شخص ثاني يعيش الموت
وانا شخصٍ آخر مرني ثم تعداني
يشابه ملامح وجهي وحزني المكبوت
غريب المشاعر بس صادق ووحداني
سألته عن احلامي.. عن عنانها المفلوت
عن الحب وسنين التجافي وحرماني
عن الشعر لا جيت انحت من الجبال بيوت
عن اصدق شعورٍ هز روحي ووجداني
عن المترف اللي لا تبسّم يذوب التوت
عن اللي عجزت استوعب شلون ينساني
دخيلك ابعرف من انا فات وقت الفوت
ابفهم من اللي بيننا جالس يعاني
سألته عقب ما صار صوت الكلام سْكوت
ولمحته يكف الدمع واقفى وخلاني
