موطن العز

شموخ الوطن يغري حروفي على الموال وانا شاعر دون الوطن يشهر سيوفه تهيض القريحة غصب والمفردة تختال تهاما عذوبتها على الفكر وحروفه تبوج المشاعر طيب وتهيّض الخيال وهي دايمٍ بين الشواعير معروفه يا مال الحيا يا موطن العز والهمال يساقيك وقلوب المعادين ملهوفه وطن من صغر سني وفيك ارسم الامال قبل لاولدك العسكري يعلن وقوفه بوجه اهل الارهاب ياقف وقوف رجال على بدلته سيف النصر دايم يشوفه تحيزم بهقوة عزته والشموس ظلال تنام العيون بهيبة العز وكتوفه تشيل الحمل لو إن بعض الظروف ثقال ولا شال من هم الزمن ضيم وحسوفه على شان حبك يا وطن تضرب الامثال يبيع البطل عمره ولا حسب ظروفه تهون الحياة بعين فكره وراس المال اليا رفرف التوحيد في عالي الطوفه يطول الجدي بيديه ويصافح الاهوال ولا تاخذه في من يبي حدك مروفه عيونه على العليا وعزمه عزوم ابطال ما هي سالفة شعر ومشاعر ومعزوفه عزاويه لا اله الا الله ونخوته غربال على من يبي ينقل بكفينه حتوفه يضيع الدليلة عن حدودك وفاله فال ضعيف الجدا من يرسل لطهرك ضعوفه عزوم الرجال تقول ياهيه كيف الحال ترى الدار عن غدر المعادين محفوفه