يطول الليل

يطول الليل ما تغمض عيوني تنادمني على الغفوة شجوني وانا اللي صاحب الليل ونجومه ومن فوق الثريا تدركوني اهز الغصن بالحان وقصايد جزال تشلها عذب اللحوني تناقلها المجالس والركايب وتطرب مسمع الغض الفتوني و لي للشعر واهل الشعر قيمة حياتي دونها والموت دوني احشم الراس مالي و الدنية مقامي مرتفع رفعة متوني وابو عبدالله ليا قال وفى كلام الطيب والحكمة فنوني ترى الرجال مخفي بلسانه وتسبقني قبل لا احكي أذوني ترى للكلمة سيوفٍ رهايف ولسان الرجل لغماده يصوني وانا للجد ماني للهزيلة فهمتوا او عسى ما تفهموني مدامي حر.. ما استعبدت نفسي لي اسلوبي ولي شكلي ولوني انا ابن جلا و طلاع الثنايا متى أضع العمامة تعرفوني