مرحبا يافزعة العرب وانظار الشعوب
وجهة أنظار العروبة وأملها في الحياه
مرحبا ترحيبة اتزفها بيض القلوب
في قدوم العاهل الله يطول في بقاه
كن مال الشمس من طلة العاهل غروب
يلبس الليل النهار وتزين بالعباه
نوّر الدمام والنور شع بكل صوب
نوره الوهاج يشرق مع كل اتجاه
في ضيافة حاكم الشرق فكاك الكروب
ينهي أكبر وضع لامن تقدم وابتداه
لاتكلم يصمت الجمع ويحل الخطوب
يفرح العين الحزينه وتنعم في ذراه
التواضع شيمة سعود وسعود محبوب
الله اللي بالمحبه وبالحكمه حباه
يرزف القطب الشمالي ويزهم في الجنوب
والجنوب يقول حيو لنا طوق النجاه
حيو اللي بعد ماشبها الحوثي شبوب
اعتزى سلمان عزوة معزي واخوياه
ساقها في الليل الاظلم وكمل في الوجوب
طائراتٍ صوتها يحشر وحوش الفلاه
لين خلاّ الحوثي الخاين اصياحه طنوب
اقمعه في قعر داره وخيّب له رجاه
كلنا جندك تحت امرك ببدله وثوب
نلتحم في صف واحد مثل صف الصلاه
ابشر بجيشٍ موالي تخوض به الحروب
جيشك اللي كل ماحل في موقع حماه
ماعلينا من لسان المنافق والكذوب
ذا على النيه يسولف وذا على عماه
خادم البيتين توب عصاةٍ ماتتوب
لاتعزوا تخضع الروس من ضربة عصاه
يطحن الروس العنيده مثل طحن الحبوب
وانهبد ضلعٍ موالي يطيح اللي وراه
