سلام من جازان حتى شروره يا مملكة سلمان يامهد الأبطال
يا دارنا فيك الأوادم فخوره يا قايدة يا حاوية خير منزال
فيك الحرم يضوي علينا بنوره وسطك محمد سيد الصحب والآل
جند الوطن يا مملكتنا جسوره تسعد مدامه تحمي الجال للجال
في ظل حاكم حازم في أموره أبوفهد رمز الشجاعة والإقبال
وجنودنا على الحدود مخبوره كم سطروا للمجد عن فعل الأبطال
ما همنا من بان ظلمه وجوره شلة مطافيقٍ بها حقد وأنذال
حنا الوطن حنا جنوده وسوره نحمي حماه ونسهر الليل لو طال
على الجبل على السهل مع بحوره نكسر يد الطامع إلى حل بالحال
حنا عمى الحاقد ونقطع شروره انعلمه كيف المواقف لها رجال
