يتوق لي حرف القصيد ونواديه
وارمي له هموم الحياه ونكدها
يسري بي اخر ليل واجلس واناجيه
ومن كثر ماعددت ضيع عددها
يطري عليه وقت وحلم ربى فيه
ماجت له الدنيا وصافح وعدها
ايه الرجا مفقود وهذي امانيه
طاحت بيوت قبل شيد عمدها
ياهاجسي ماعاد به بيت اغنيه
حتى خيال الفكر عني وصدها
كبرت علينا ايام وكثرت مشاريه
حياة يستعرض علينا كبدها
اول نسيم الشوق نسري مساريه
اما سبقنا الاه والا بعدها
لا الشعر ناسينا ولاني بناسيه
لو ان روّاده قليل عددها
ياذا البحور العاتيه وين اوديه
احلامنا دفنت وراحت بيدها
