تراني حزينة

صدر الوفاء ضايق وهدّ الازارير ولجّت ضلوعه عقب ذيك السكينه وهلّت دموعه مثل مزنٍ شخاتير ومن الألم تصفق شماله يمينه جيش الحسايف تو عينه جماهير ومن القهر والغبن بيّح كنينه يعني كذا ماعاد به أي تقدير يعني غرامٍ فات ننسى سنينه يعني كذا هجران وشلون بيصير وشلون ترضى لمن وفاء لك غبينه ماتدري انك غير والناس ذي غير سلّمت لك قلبي بيدّك رهينه وقف وعطني للجفاء اي تبرير قلي سبب مقنع.. تراني حزينه صمتك فتح للفكر عالم تفاسير وايقض جروحٍ غافلات ودفينه الجرح والفرقا وجور المقادير تقتل احاسيس الغرام وحنينه ليت الحكايه كلبوها تصاوير لابه غرام ولا عشيق وضنينه