من باب واقع تجربه يا اهل العرف
اخذت درس من الحياة الفسيحه
كلٍ يعيش بوضع ويمر في ظرف
ما فيه نفس من العنا مستريحه
واهل المبادي بينهم للوفاء عرف
رد الثنا بين الوجيه الفليحه
رسالةٍ تكتب وترسل بلا ظرف
عذر العمي عن خطها تستبيحه
من قيّم اسعار الذهب ثمن الصرف
السوق طيب والمواقف صريحه
لا تبني آمال السعادة علي جرف
ياسرع والله ما تحلا مطيحه
من كل مية حرف لا طاب لك حرف
امسح جميع الباقي من الشريحه
