من رافق الطيّب على كل نوماس
يحط عن جور اليالي ستاره
ومن رافق الخيّب مع الوقت يحتاس
يبشر معَ دور الزمان بدماره
ماهو ضروري تسري اليل عساس
الليل مايشبه مواري نهاره
سود الليالي عندها كل مقياس
لا جات وقتٍ باديه بإنحداره
كل البشر تستر على الجسم بلباس
لكن وقت الجد يكشف ستاره
الذل والتقصير لا دق الاجراس
مواري الخايب بدون إستشاره
والطيب والناموس والجود والباس
تعطي على الطيب دليل الاشاره
معادنٍ متخالفه عد وأقياس
أحدٍ ذهب وأحدٍ حديد وحجاره
