احذر ترى الدنيا تجاريب ودروس
ولا تأمن اللي باع نفسه وشراها
والزم طريقٍ واضحٍ لك وملموس
وجنّب طريقٍ ناس ربي عماها
وخلّك مع اللي رفقته ترفع الروس
اللي على درب المراجل سقاها
تشوف فيهم خير والعلم محسوس
وطيبة غلا دايم مع اللي غلاها
لا صرت معهم تكتسب كل ناموس
وترقى جبالٍ شاهقة في علاها
واللى مشى دربه مع الناس معكوس
يعيش في دنيا القهر من شقاها
خسران ياللي همتك بس جاسوس
ما بين خلق الله تديرك رحاها
متردين حظه مع الناس منحوس
ضايع بها الدنيا ونفسه رماها
ابنصحك ياللي بك العز مغروس
غيرك تمنى حاجته ما لقاها
اغنم زمانك دامك اليوم محروس
تمشي بأرض الله وفوقك سماها
هذا كلامي واضحٍ لك ومقيوس
افهم معانيها وجنّب خطاها
