انـت مثـل الــدم فــي وســط العروق
وانــت مثـل الحـبـل في كف الغريـق
غـيــر كـل النـاس لـك وحشه وشوق
وابـتـعـادك لــه فــؤادي مـا يـطـيــق
تـضـحــك الـدنــيـا وتـحـلـوّ وتــروق
وفـي عـيـونـي لـي تـوادعـنـا تـضيق
لا غـنـاة عـنـّك يـا الــخــل الـصــدوق
يـا شـريـكـي فـي حـياتـي والـطريـق
عـشـرتـي ويـاك عـاشــق ومـعـشـوق
يـا جـديـد الــحــب والــحـب الـعـتـيـق
ما لـغـيـرك فــز واشـتـاق الـخـفــوق
والغــلاء لــك ودّ واحـسـاس وثـيـــق
ذبــت فــي هـمـس له المسمـع شفوق
يـا رفـيــع الــذوق والـحــس الرقـيـق
والـسـعــاده طـعـمـهــا قـلـبـي يــذوق
فــي وصـالـك وابـتـعادك لـي حريـق
