تِذَكّرتك.. وحبيت أمسي عليك.. بخير
ولا ادري وش اللي جاب ذكرك على بالي
ولأنك عزيز كان في عشرتك لي.. غير
ابسالك وش حالك واطمنك باحوالي
وسرح هاجسي مع امس وأتٓذكر التغيير
وحمدت الله بما صار في كل الاحوالي
صحيح الكلام اتعثر وخانني التعبير
وحنين الامل يعزف له القلب موالي
سؤال.. وتطمأن.. وسلام مع التقدير
بدعوة لك بتحقيق حلمك والامالي
بعدما جرى وماكنت أحبذ علينا يصير
وداع السنين يساوي المر.. بالحالي
وبالموقف اللي صار ما أخفيت انا التأثير
وكنت أتوقع خافقي.. داله وسالي
مواقف تُمر وما نلاقي لها تفسير؟
تحرك مشاعرنا.. وتجيب اول وتالي
