لآلئ شعرية

الاجازه اثناعشر يوما وانا ازريت اتفضوى لجدولها وارتبها كل ما اوعدت لي رجال ما وفيّت الوعود ارتباطاتي تعقبّها مار ابا امر عودٍ كلما مريت ديرته درت بالافكار اقلبها ان تعديت ما جيته عليه اخطيت راحلة عذري الي كم وانا اركبها وان نصيته لا ذا طبعه لا مني جيت لو ما يملك له الا شاه قالبها وان حلفت وتعذرته ولا استثنيت حشرت عينه العبره وجتك ابها عود عينته انقرضت وصيته صيت زيد شيبته الدنيا وشيبها لو تضيفه ثلاث وجاب مامليت كل معترضه يضيّف مشببها جعل يفداه عودٍ منزوي فالبيت لا يحيي الضيوف ولا يوجبها يشتكيك ان بنيت ويشذبك لا اقفيت كل جيرانه وربعه محاربها ويتصيد لك الزله ليا زليت كل هزله يلوّح فوق غاربها وفارق الطبع كنه فارق التوقيت والمنايا مدرهمةٍ ركايبها واحدٍ تفقده لا جيت ما لثيّت في حرى ضيفةٍ شوفك مسببها وواحدٍ تدري انه مات لا استوحيت عقبه الناس ميتةٍ طلايبها