راية العز

##مجاراة شعرية بين مجموعة من شاعرات الخليج.. بمناسبة اليوم الوطني للمملكة العربية السعودية: سجل التاريخ واقراه واشهد يازمان يوم صلفات الليالي طفح مكيالها قالها اللي سل سيفه وكبّر واستعان في عظيم الشان ربه وشال احمالها ##بروق بدوية حط له من عزة الدين في داره كيان واشمخت له دولة العز واصلح حالها وحد شعوب وقبايل ووطنها وصان وخضعت له هيبة الغرب جت بامالها ##أم الفهد العتيبية رفرفي يا راية العز في أعلى مكان المواقف مالها غير فعل ارجالها في طريق الحق ناخذ على العليا ضمان لين في القمة لنا قمةٍ بلحالها ##فتاة تهامة يا وطن لبيه ياهيبه يافخر وامان من بحرها للسهل لين شم جبالها علم الباغي وطنا خذا المجد بعنان علمه للمجد هامه وطنّا طالها ##هند الفهيد دون حد المملكة بالرماح وبالسنان والله إنا دونها لاطْمة عيّالها النصر ولاّ الشهادة وحسّادك يهان وعاد عيد المملكة والفخر بعيالها ##شواهق نجد من سمو اليا سموٍ وحاشاها الطمان من خلقها الله، ولا احدٍ وصل منزالها ديرتي معشوقة العز في حزم و ليان جل منهو بالعطا خصها وارهى لها ##أسماء البراهيم من عطايا الرب وافي ولا منه امتنان قايدٍ في كل ما يمتدح يسعى لها مهرة دكت ميادينها دون الهوان كايدة والكايدة فخرها يبرالها ##المها الحارثية يا وطنا لك مع المجد صولاتٍ وشان تعتلي بكر المناصب وترقا تلالها بيّض الله وجه حكامنا سبع وثمان يومهم عزوا الوطن واعتزوا برجالها ##دهن العود عاد عيدك ياوطنّا وخاينهم جبان والهزيمة من رداهم تجر أذيالها مملكتنا بيت عزٍ مشاريفه جنان والسعودية تباهي بحب أجيالها ##بروق السراة مملكتنا ترتدي المجد بشت وصولجان من قديم الوقت يرفل جماله شالها قادها سلمان والخير في وجهه يبان والسعودية فخوره بفعل ابطالها ##مريم النقبي