امشي على خاطرك وادور ارضاك
والقلب لك صافي وصافي ربيعه
جيتك على ودك ولا شي يخفاك
عفت البشر وايضا نويت القطيعه
وش تطلب اكثر قول كلي فداياك
والله تحت امرك وامرك اطيعه
سبحان منهو كملك لي وسواك
يابو العيون الناعسات الوسيعه
وش هو شعوري يوم انا اصير وياك
يكفيك قلبي دقته لك سريعه
من الخجل شفني ببسمة محياك
ارخي لو ان النفس جدا رفيعه
مد الكفوف وخلني كل دنياك
واوعدك اصونك والغلا ما ابيعه
