يامشعلٍ غازك للإرهاب تدمير
عقدين تركض في مدار الخيانه
اقحمت نفسك في متاهات مايصير
مفضوح لوتسلك دروب الذهانه
ابوك قبلك ينفث السم وايسير
يكفي عقوق العود كلٍ ادانه
تاريخ مظلم ماله اليوم تبرير
واضرمتم النيران بارض الكنانه
ماضيكم اسود والليالي مداوير
وعانت بلدكم من مساحة مكانه
سلام يادار الرجال المناعير
دار الحزم دار العزم والرزانه
المملكه دار الهدوء والتباصير
دار الحرم دار الكرم والمكانه
فــ قيادة اللي مايحسب المخاسير
ابوفهد رمز السعد والأمانه
متربع ن بالمجد من يومه اصغير
على صفوف العز يسرج حصانه
ومحمد الضرعام يفرق عن الغير
يحمي بلدنا من فلول الخيانه
ولي عهد المملكه للعُلا يسير
وعلى دروب الخير ربي اعانه
واحفظ بلاد الخير يامعطي الخير
واكتب لها التوفيق ومنك الإعانه
