لآلئ شعرية

مر نصف الليل ما طاحت جفوني غير نجمٍ شاغب الظلمى وطاح من سرق من ليلتي ساعة سكوني؟ من نبش في وسوسة صدري وراح من يقيني ما عرفت أكبح ظنوني قلت أسيّل بالقلم صمتي.. وساح بالورق شعرٍ قطع شعرة جنوني وعذر مجنون الشعر ذنبه مباح والسهر.. ساري لمح ضوّ بعيوني نوّخ اركاب التعب بي واستراح والمحاني شكلت مجرى طعوني من كثر ما تمطر بصدري رماح واذكر من الناس كم ناسٍ نسوني وكم بقى بي حلم مكسور الجناح حادي الأحزان.. لا تثقل متوني شف غدت كيف اتّفتّق هالجراح ليلةٍ سجانها خان بسجوني وأعتق لْهالضيق فيني واستباح يا طيور الصبح فارد لك غصوني رفرفي في البال وأهديني صباح