يسعد مساء حرفي الى حل طرياك
ويـزف لك عبـر القصيـد التهـاني
من قلب عيّا في حياته لاينساك
وكانه حداك الحظ فانا حداني
امواج قلبي تلتطم في حلاياك
غرقان وارقب بالعيون المواني
قلبي معك مايوم يبعد وينساك
لوغبت عني مسكنك بالمحاني
مـرّت عليّ ايــام وانـا اتحراك
اتعب واسليّ خاطري بالأمـاني
اصبر تحمّل يالغضي لاعدمناك
ماتضيـق الا تنفـرج يالحنـاني
كل مايمر الطيف تطري حلاياك
واعيد ذكرى وقت اللي طواني
عمري قضيته هايمٍ فيك وابغاك
معقول اقول الطيف ضيّع مكاني
تمضي حياتي واعشقك واتمناك
ومهما تغيب ابعيد تسكن كياني
لكن هي الأقدار ماجان قد جاك
حدتني الدنيـا اصـوغـك معـاني
فيني وله ياعود غصن ن من الراك
عيّـا يغيب وصـرت اسهـر واعاني
لكن على اللي بامره تدور الأفلاك
يفْرج على اللي من سنينٍ يعاني
