ليلة العمر

يا ليلة العمر ما مثلك ولا ليله على رجعتي اللي كان مفقود رجعتي اللي قطع عني مواصيله واسهر عيون هواها ما له حدود وخلاني اعزف على الفرقا مواويله مثيل ما يعزف العازف على العود بالحلم عيني تطالع فيه وتخيله والا اصبح الصبح لا ما هو بموجود ومليت حظً تردت به محاصيله وطويت حبل الرجاء اللي كان ممدود ماني مصدق بشوفه نافل جيله لين المقادير جابتها على الكود ومن فرحتي سالت الدمعة وان اشكي له لوعة فراقه وبعد عيونه السود بعد الليالي حدتني عن مواصيله وصبحت عن شوفته منهي ومردود ويا ليلة العمر قلبي منك يا ويله فيك المواجع رجع والماضي يعود ساعة سعادة وباقي العمر عزي له حتى يسهل لي الله ناعم العود