سلامتك من كل حاجة تعلّك
ياجعل ما تشـقـيك سود المقادير
سلامـة قـليـبـك و عمرك و كـلك
من خـاطـري قلـتـه محبه وتقدير
ياجعلها تبطي سـنـيـنـك وجعلك
تعيش باقي العمر جنة و تيـسيـر
وعسى دروب الخـيـر دايـم تدلـك
ويبعدك ربي عن دروب المعاسير
ياللي الفعايل بالجمال أشهدت لك
فيك البياض اللي تمـيـز عـن الغيـر
ياحظ مـن تشهـد لـه الناس مثلك
واللي على شوفه تسوق التباشير
اشكر عظيم الشـان يوم استدلك
وشوف الوضع من زاوية علها خير
