روح القصيد

إن زان لك وقت ما دام إلك ما زان .........وان شان لك وقت ما دام إلك شينه واكبـر خسـاره خسـارة ربـع واخـوان .........خسـارة الرجـل لربـوعه غبينـه @@ حديث الاغصان ما يملا الفناجيل .........ولا جلب دار زيتون النوايا ما راح بالحيل يرجع بس بالحيل .........والاّ بلا حيـل مرواح الهدايا @ @ البرق ملواح الحيا كل ما رف .........والبيد موعدها الربيع برفيفه ما كنه ألاّ السيف والراعد الدف .........عرضة مطر ما بين دفّه وسيفه ما للثرى غير البلل بعد ما جف .........والقاع ماله غير يبشر بريفه وما للشقا حافر ولا للدهر خف .........والليله الظلما ما عادت كفيفه يومض ويوقض في صدور البدو شف .........ويفل خاطر موميات السفيفه @ @ ما بقـى للدمـع منديـل وعيـون وكـلام .........ولا بقـالـك يالمناديل دمع ولا عيـون كنت قبـل احب الأغصان واحب الحمام .........بس هذا اليوم ما أهوى الحمام ولا الغصون لا تسـاوم فالكـرامه علـى شـان السـلام .........خلها تشـب نيـران والكاين يكـون موتة الانسان بالعز تقدير و وسـام .........ولا حيـاتـه بالمذلـه وخـذلان الظنـون @ @ الارض ما ضاقت ولا انزاحت ولا انزاحت سما .........الارض مطرحها ولا زال السما في مطرحه والانحدار بكل شيء يصير عكسه ما سما .........والارض مسرح للحياه وكل شيء ومسرحه والكلمه اللي ما يثمنها لسـان ولا جما .........ما تقتل الرجّال من ناقص ولاهـي تجـرحه @ @ اشرق النور من وجنه وطول ارقبه .........واحتفى فيه ليلٍ فوق الامتان مال كنّه يبروز القمـرا على ما اعجبـه .........ضـفّها من يميـن وضفّها من شمـال وانعزل جسمها عن جسمها بأذربه .........التعـزل كذا وألاّ بلاش انعـزال @ @ قالت احطب - قلت والغابه متى كانت قريبه .........قالت احطب - قلت وين الفأس لو حصّلت غابه قالت احطب - قلت يا قصر اليدين المستريبه ِ .........قالت احطب- قلت يا قل البصيره لا رتكابه قالت البرد إلتوى فالضلع ترضى يلتويبه .........قلت لا - قالت وتتركني كذا يا للغرابه