اعتذار رمضان
قال رمضان: "بعتذر لأهل الولد الصغير إن ايدي اتمدت عليه، وبعترف بخطئي، ولما هو غلط في الأول قلعته الكاب وبصيت في وشه فغلط تاني قلتله هات التليفون ولم أتمالك نفسي ضربته قلم بسيط طير الكاب والنضارة، ولو هنعتبر الناموسة اللي وقفت على خدي قلم فأنا استاهل 5 عشان مديت إيدي على عيل صغير".
رد كريم شلبي
علق كريم شلبي في الفيديو على اعتذار محمد رمضان قائلًا: "إذا كانت أيدي الشمال ناموسة فإيدي اليمين مرزبة، وشكرًا لكل واحد وقف معايا ودافع عني، وأنا أما اتكلمت اعترفت بخطئي لأن الاعتراف بالحق فضيلة".
وقال "الحمد لله أنا شبعان من حب الناس وعيني مليانة من صغري، فأنا مطلعتش اتكلم في أي قناة أو فيديو علشان أنا مش زي ما بتقولوا طالع أركب ترند".
وأضاف متحدثًا عن اعتذار رمضان: "اعتذارك طبعًا على راسي من فوق، بس فيه ناس بتتولد صغيرة وبتكبر، وفيه ناس بتتولد صغيرة وبتفضل صغيرة، ولما روحت مكتب الأمن وأنت واخد مني التليفون قالولي نعمل محضر قولتلهم لأ العفو عند المقدرة زي ما النبي قال، وفي الآخر لو حد طالع من الحوار ده مرضي فهو أنا، وشكرًا لكل واحد وقف في صفي".
ومنذ بضعة أيام تواجد محمد رمضان بالساحل وتجمهر عدد من المعجبين حوله ليلتقطوا معه الصور، ثم فجأة اتجه رمضان إلى شاب وطلب منه أن يظهر هاتفه المحمول له بإلحاح ثم فجأة صفعه على وجهه ليرد الشاب له الصفعة.
